Os ydych chi eisiau siarad ag un o’r Nyrsys Cyswllt â Chleifion, gallwch gysylltu â nhw gan ddefnyddio’r ffurflen hon neu drwy ddefnyddio’r manylion isod:
Ffôn – 0300 300 0067
E-bost – Emrts.patient@wales.nhs.uk
Elusen Ambiwlans Awyr Cymru
Cymorth Ôl-ofal
Mae ein gwasanaeth ôl-ofal yn helpu cleifion a’u hanwyliaid wrth iddyn nhw wella.
Cymorth ôl-ofal
Sut gallwn ni helpu
Gall bod yn rhan o argyfwng meddygol neu ddamwain ddifrifol newid eich bywyd yn sylweddol. Gall fod yn anodd i glaf a’i deulu.
Os ydych chi wedi cael triniaeth gan ein criw, nid yw’r gefnogaeth yn dod i ben ar ôl i chi gyrraedd yr ysbyty.
Os oes gennych gwestiynau heb eu hateb, neu os ydych chi eisiau siarad â rhywun, rydyn ni yma i’ch helpu wrth i chi wella.
Nyrsys Cyswllt â Chleifion
Gall gwella o salwch neu anaf critigol fod yn broses hir a heriol wrth i bobl symud rhwng gwahanol adrannau, ysbytai, a chanolfannau adsefydlu cyn mynd adref.
Mae Jo Yeoman a Hayley Whitehead-Wright, Nyrsys Cyswllt â Chleifion, yma i gefnogi cleifion a pherthnasau ar y daith honno, gan ddarparu cysondeb a chefnogaeth drwy’r amser, gan gynnwys ar ôl iddyn nhw gael eu rhyddhau o’r ysbyty.
Gall y cymorth hwn gynnwys:
- Ymweliadau dilynol ar wahanol adegau wrth wella. Bydd hyn yn wahanol o glaf i glaf yn dibynnu ar eu hangenion. Gallai fod yn fuan ar ôl iddyn nhw gael eu derbyn neu ar ôl iddyn nhw gael eu rhyddhau o’r ysbyty, yn dibynnu ar ba mor hir yw’r broses wella.
- Ateb cwestiynau am y driniaeth a gawsoch cyn mynd i’r ysbyty a llenwi bylchau gan y gall hyn eich helpu i ddeall beth ddigwyddodd.
- Cymorth emosiynol i gleifion a pherthnasau.
- Eich cyfeirio at sefydliadau eraill a allai gynnig cymorth a chefnogaeth.
- Y cyfle i basio neges i’r criw drwy lythyr neu e-bost.
- Cefnogaeth profedigaeth i’r rhai sydd wedi colli anwyliaid.
