Canfaswyr y Loteri

I’n helpu i godi arian hanfodol drwy’r Loteri Achub Bywydau, mae gennym ganfaswyr sy’n recriwtio pobl i chwarae’r loteri. Mae ein canfaswyr yn ymgysylltu â’r cyhoedd, yn rhannu ein cenhadaeth, ac yn annog cefnogwyr i gofrestru am y cyfle i ennill bob wythnos. Mae’r canfaswyr i’w gweld mewn archfarchnadoedd, mewn digwyddiadau ac yn mynd o ddrws i ddrws ledled Cymru.

Mae pob tocyn sy’n cael ei werthu yn ein helpu i achub bywydau, gan wneud gwahaniaeth gwirioneddol ym mywydau pobl.

Adnabod Canfaswyr y Loteri

Mae modd adnabod y canfaswyr sy’n gweithio i ni drwy eu dillad coch a’u bathodyn ID.

Ar hyn o bryd mae chwaraewyr y loteri yn cael yr opsiwn i dalu drwy Ddebyd Uniongyrchol neu siec. Ni fyddwn yn gofyn i chi am arian parod, nac yn derbyn arian parod, pan fyddwn yn gofyn i chi ymuno â’r loteri.

Mae canfaswyr yn dilyn cod ymddygiad moesegol llym, ac argymhellir eu bod ond yn curo ar ddrysau rhwng 10am ac 8pm. Maen nhw’n gwneud hyn er bod y gyfraith yn caniatáu iddyn nhw guro drysau rhwng 9am a 9pm.

Mae canfaswyr y loteri yn recriwtio chwaraewyr loteri YN UNIG a dydyn nhw ddim yn derbyn unrhyw fathau eraill o roddion, gan gynnwys rhoddion ariannol.