Blychau Casglu Arian

Telerau ac Amodau Blychau Casglu Arian

1. Gwnewch yn siŵr bod y blwch mewn lleoliad addas yn eich busnes neu’ch sefydliad. Rhaid iddo fod yn amlwg i’r cyhoedd a rhaid ei ddiogelu â chadwyn pan fo’n bosibl.
2. Os na fydd y blwch yn cael ei oruchwylio drwy’r amser, rhaid defnyddio’r gadwyn ynghlwm i’w ddiogelu.
3. Rhaid i’r blychau casglu arian gael seliau di-dor. Bydd y rhain yn cael eu darparu gyda’r blwch a byddan nhw’n cael eu hailgyflenwi drwy’r post.
4. Rhaid gwagio’r blwch pan fydd yn llawn neu bob chwe mis (pa un bynnag sy’n digwydd gyntaf), a rhaid cyflwyno pob rhodd i Ambiwlans Awyr Cymru. Os oes angen seliau newydd, rhowch wybod i ni drwy ddefnyddio’r ffurflen dalu ar-lein neu ein ffonio.
5. Dylai dau berson (dros 18 oed) fod yn bresennol wrth ddadselio’r blwch a chyfri’r rhoddion.
6. Ar ôl cyfri’r arian, dylech ei dalu i’ch cyfrif eich hun cyn ei drosglwyddo i’r elusen drwy un o’r dulliau canlynol: a) Llenwi ein ffurflen dalu b) Ffonio ein tîm codi arian i dalu dros y ffôn ar 0300 0152 999 c) Anfon siec atom sy’n daladwy i Ambiwlans Awyr Cymru ynghyd â’ch manylion cyswllt, lleoliad y blwch casglu arian, a’r gofyniad am seliau newydd.
7. Rhaid cyflwyno’r holl roddion a gesglir yn llawn i Ambiwlans Awyr Cymru. Ni ellir gwneud unrhyw ddidyniadau ar gyfer treuliau na ffioedd.
8. Bydd yr holl roddion a dderbynnir gan yr elusen yn cael derbynneb lawn.
9. Os yw’r blwch yn cael ei golli neu ei ddwyn, neu os ydych chi’n credu bod rhywun yn ymyrryd â’r cynnwys mewn unrhyw ffordd, rhaid i chi gysylltu ag Ambiwlans Awyr Cymru ar unwaith a rhoi gwybod i’r heddlu lleol cyn gynted â phosibl. Peidiwch ag ymyrryd â’r blwch na thorri’r sêl, ac eithrio wrth gyfrif arian gyda thyst yn bresennol.
10. Rhaid dychwelyd pob blwch casglu arian i’r elusen pan nad yw’n cael ei ddefnyddio mwyach neu os yw’r elusen yn gofyn am ei ddychwelyd.